Kusakua andu ma kutumika
Mivango ya kuukita kulewa yaile kwikia vinya kwongela umanyi, kuseuvya masuanio na tavia sya andu ala mekutumika ila itonya kuete kivathukanio kinene kwa andu matuaa na uwau wa kulwa. Vate nzika andu matuaa na uwau wa kulwa maile kwithiwa katikati wa muvango ona wiva wa kuukita kulewa. Kutumika nikutonya kwithiwa nthini wa uneeni uendee na kutumika nthini wa kikundi kina, vamwe na myanya yi kutumika ivinda yimwe. Ivinda ya kumanya andu ma kutumika, ve vata wa kusuania iulu wa nuu na ni kyau kyaile kuvinduka. Kusungia ikulyo ya nuu, mivango ya kuukita kulewa nitonya kusuania, kwa ngelekanio ataalamu ma afya na ma ndua, andu ma mauvoo, aseuvya ma miao na atongoi ma ndini na ma ndua; indi ve vata wa kuthukuma vamwe na andu ma nyumba na andu ala me vakuvi na mundu wina uwau wa kulwa na musuvii wake nikana kunengane kuelewa na utethyo na kuola masuanio mate ma w'o na tavia sya kutengwa ila syi vata muno. Andu ala mena vinya muna kana utonyi iulu wa mautwi ma thayu ma mundu na myanya ila andu matuaa na uwau wa kulwa manengane nimaile kunewa mwanya wa mbee wa kutumika.Kusungia ikulyo ya ni kyau, ve vata wa kusuania iulu wa tavia na masuanio ala ma kuumisya mbee kana ala mekaa nai mbee kwa kuvata andu myanya na kusiia uima wa andu matuaa na uwau wa kulwa. Ve uvoo ute wa w'o, masuanio ma uvungu na miikiio ite ya w'o ila ikusangia kukuwa nai kuu? Iila ii syamanyika, ve vata wa kuthukuma vamwe na andu ala masakuitwe kutumika nikana kuseuvya nzia sya kuvindua ila syaile vandu na ikutumia kithyomo kikueleeka na ikunenganwe kwa nzia itonya kuvikia atumika.
Nzia ya kuthukuma vamwe kati wa andu matuaa na uwau wa kulwa na andu nthini wa atumika nikutonya kwitikilithya andu ma kikundi kya atumika kwitikila wia wa kuete mauvinduku.
Kutumia nzia ya uneeni nikwa utethyo ni kana ndikethiwe ya kunengane usungio muno iulu wa undu wa kuete kuvinduka na kwitikila nzia syi kivathukanio kuseuvywa ni kana kwiania vandu na atumika.
Itina, ve vata wa kusuania kana nzia ila itumiaa aivu nitonya kuema kuthukuma nundu andu nimatonya kwiw'a ta mekutavwa undu wa kwika na mavinda maingi undu uu niwongelaa tavia itaile. Undu vaeleetwe nthini wa ivuku yii,nzia sya kuvinduka syaile kuvulania uneeni wa kiindua na kuweta ngewa sya mundu mwene ni kana kuvikya uvoo. Mavinda amwe, nikutonya kwithiwa amwe kati wa atumika (kwa ngelekanio atalaamu ma afia) ala matuaa na uwau wa kulwa na ala matonya kuelesya ngewa syoo ene kwa nzia ya muwau.
Neenania na andu mena uwau wa kulwa nikana kumanya atumika -suania nuu (kwa ngelekanio ataalamu ma afia na ma ndua) na ni tavia syiva na masuanio maile kuvinduka
Ithiwa na kuvulania kuvikia ikundi syi vinya na andu me utongoi na ala malikanaa mavinda maingi na mundu utuaa na uwau wa kulwa vamwe na kwithiwa na utonyi
Manya anyanya na andu ma kuthukuma vamwe ala utonya kuvikia atumika namo. Kethwa, kwa ngelekanio, wasakua ataalamu ma afia, nivatonya kwithiwa vata wa kuthukuma na ashirika angi ataalamu ma afia nikana kuvikia nesa atumika ala usakuite
Utumani waile kunenganwe ni andu matuaa na uwau wa kulwa
Kuthukuma vamwe na anyanya kana 'andu ma nthini' ma kikundi kya atumika nikutonya kuutetheesya kuseuvya nzia ya kuvinduka ila ikumavikia. Ii ni vamwe na kutumia kithyomo na nzia mekuelewa na mena uthasyo nayo
Suania utumani utekunengane maundu ma kwika muno kana ute kutumia kwikiithya andu aivu ala mekutenga andu nundu maundu aa mavinda angi maithukumaa ila andu mekwona ta mekutavwa undu wa kusuania. Kuthukuma na ashirika nikutonya kwongela kwiw'a undu ni woo na kwitikila kusuania kwa uliku kwondu wa kuvinduka kwa maana mbee
Ataalamu ma afia na ma ndua
Andu ma mauvoo
Aseuvya ma miao
Atongoi ma ndini na atongoi angi
Andu ma famili
