Muvwano wa kuola kulewa nthi ya Brazil

MUVWANO WA KISYAIISYO: BRAZIL

Uvoo wa uwau wa kulwa Brazil

Brazil ni nthi yi ukwati wa kati-kianda kya iulu ila yi andu ta milioni 214 (Brazilian Institute of Geography and Statistics, 2022; The World Bank, 2020), ala kati wamo 57% ni andu aka, na kalivu 16% mena miaka 60 na kuendeea (Brazilian Institute of Geography and Statistics, 2019). Nthi ii iaanikite mala atano (North, South, North East, South East na Midwest) na yi kivathukanio kya kithio na mithemba ya ukwati wa andu. Kiwango kya kukua kwa andu nthi wa Brazil kithiitwe na mituki muno iulu wa nthi, na kumana na uu kukethiwa na andu aingi ala mekutua na mauwau matavoaa, vamwe na uwau wa kulwa (Melo et al.,2020; The World Bank, 2011. Kutatithya kwa mwaka 2019 kwionania andu ta milion 1.8 matuaa na uwau wa kulwa nthini isu (GBD, 2022).

Kulewa na kutengwa kwa andu Kumana na uu, andu matuaa na uwau wa kulwa na asuvii moo mavinda maingi nimatengawa ni andu, kwongeleka kwa umanyi kati wa ataalamu ma afia vamwe na andu ma Brazil ni undu wa vata (Oliveira et al., 2021). Kwondu wa uu, uvoo kunenganwe kwa andu kwa jumla na andu ma nyumba sya andu matuaa na uwau wa kulwa nikutonya kuola kulewa kwa andu mena uwau wa kulwa (Oliveira et al., 2021).

Kwa matokeo, andu matuaa na uwau wa kulwa nimatengawa na usuvii moo kukwata mathina. Kwongela umanyi wa uwau wa kulwa kati wa andu ma Brazil ni kwa vata. Kwoou, kwitha na nzia sya kusiiya kutengwa nokutetheesye kuola mawoni mathuku ma andu yiulu wa uwau wa kulwa

Muvango wa kuukita kulewa nthi ya Brazil

Kieleelo

Kwongela umanyi na kuseuvya masuanio,na kuola kulewa na kutengwa kumana na uwau wa kulwa kwa athukumi ma afia ma kisio.

Niki Athukumi Ma Afia Ma Kisio?Huduma sya afya ya musingi nisyo vandu va mbee va kukwata utethyo kwa andu mena mathina ma mwii kana ma akili nthi ya Brazil. Nthini wa kundu kwingi Brazil, Inanda sya uiiti wa musingi syithiawa kati wa muvango (Mutalatala wa Afia ya Famili) na athukumi ma afia ma kisio ni ilungu syi vata nthini wa ikundi ii sya afia. Ataalamu aa mena wia wa kwongela afia na maundu makusiia mauwau, na kwondu wa uu, athukumi ma afia ma kisio nimatetheasya kukwatikana kwa uiiti wa musingi nthini yonthe.Mauvundisyo maingi ala manenganawe kwa athukumi ma afia ma kisio nthi ya Brazil methiawa iulu wa kusiia mauwau ala makwatanaw'a kana matakwatanaw'a ta uwau wa sukali kana kwambata nthakame, na vethiawa na kusuania vanini iulu wa mavata ma afia ya akili.

MavundisyoMavundisyo ni vamwe na ivindi itatu sya kikundi, ila ikunenganwe mithenya itatu kiatianisyo, na kukua ivinda ya masaa atatu kila kivindi, na kwithiwa na kila muthukumi wa afia wa kisio ula ukutumika nthini wa kila kivindi (jumla= masaa 9 nthini wa mithenya itatu kwa athukumi onthe ma afia).Mavundisyo metumia miio ya kwona na kwithukiisya, na ya kukunithwa, kwa ngelekanio vidio sya andu mena uwau wa kulwa vamwe na asuvii moo maiweta maundu ala mesilite, maundu ma kusuania, mauneeni ma kikundi, na kuvundiw'a na PowerPoint.Kieleelo kimwe kya kisyaiisyo ni kwisila undu kutonya kwithiwa kuilye mundu akamanyika kwithiwa na uwau wa kulwa.
Muthenya wa 1 Kwaka umanyi na kuvindua miikiio: kwambiia kuvinduka. Kivindi kya mbee kyambiaa na kivindi kya kwamba tunoti. Athukumi ma afia ma kisio makulawa kusuania iulu wa miikiio yoo na nzika syoo, vamwe na sya ala mathukumaa namo,na kusungia makulyo aa maatiee:

Uwau wa kulwa withiawa kumana na….

Andu matuaa na uwau wa kulwa ni…

Wisuania andu mena uwau wa kulwa maile kukuwa ata ni andu angi?

Itina, nitukuvitila mausungio onthe ta kikundi, kutumia masoesi angi nikana kuseuvya kueleanwa kwa kikundi, na itina kukulya atumika kusuania:"Waasuania iulu wa undu thayu waku withiwa ukatavya kana numanyikite kwithiwa na uwau wa kulwa?"Muthenya wa 2 Kutula masuanio mataile na kwaka woni mweu
Nituunengane uvoo wa kisomo na wa uneeni iulu wa kulewa, kutengwa, masuanio matew'o na kithyomo ni kana kuelesya andu ma ndua undu masuanio,miw'ile,mawoni na tavia sya andu angi itonya kulikiila andu matuaa na uwau wa kulwa. Itina, nitukwonania vidio nguvi ya ukusi wa andu matuaa na uwau wa kulwa, na itina tuyithiwa na uneeni wa uliku ni kana kutetheesya atumika kwithiwa na kuelewa maundu ma kila muthenya ala mesilawa ni andu mena uwau wa kulwa.Muthenya wa 3 Kulikya kuneenania na ndua na kuneena iulu wa nzia sya kuilania na angi, na meko, na miw'ileIngi nitukunengane uvoo wa thayu wa kila muthenya wa andu mena uwau wa kulwa na ala mamasuviaa, kumana na maundu ma thayu wa w'o.Tumanyiasya athukumi ma afia mitalatala yakuneenania nesa kwa ndeto na kute kwa ndeto, na kwambiaa uneeni na masuanio iulu wa undu wa kuthukumithya nzia ii nthini wa vandu voo va wia. Athukumi ma afia ma ndua nimekukulwa kutata na kumanya uneeni na tavia itaile, na kusuania iulu wa undu matonya kuivindua nesa kwa kutumia nzia nzeo sya kuneenania ila isomethetwe vau tene.Kuvinga na kusuania iulu wa undu uvoo wa kusinda kulewa utonya kuvulanwa nthini wa wia woo wa kiliniki.Kuneenania kikundini na kusuania iulu wa undu athukumi ma afia ma kisio matonya kuseuvya mbee uthukumi woo nikana kusuvia mbee andu mena uwau wa kulwa na andu moo ma nyumba.Lilikana: Ivuku na nzia ya kunengane masomo ni itonya kukwatikana vaa. https://bmjopen.bmj.com/content/12/7/e060033 Yu niuendee kuthima ivuku na tukeekia vaa ivuku vamwe na mosungio ila syeethiwa syi tayari.

Umo wa Mauvoo

Brazilian Institute of Geography and Statistics. (2020). Nova proposta de classificação territorial mostra um Brasil menos urbano | Agência de Notícias. Agência de Notícias - IBGE. https://agenciadenoticias.ibge.gov.br/agencia-noticias/2012-agencia-de-noticias/noticias/15007-nova-proposta-de-classificacao-territorial-mostra-um-brasil-menos-urbanoBrazilian Institute of Geography and Statistics. (2022). IBGE | Projeção da população. https://www.ibge.gov.br/apps/populacao/projecao/box_popclock.phpBrazilian Institute of Geography and Statistics, B. (2019). Pesquisa Nacional de Saúde 2019: Ciclos de Vida. https://biblioteca.ibge.gov.br/visualizacao/livros/liv101846.pdfBrazilian Ministry of Health. (2013). Pesquisa Nacional de Saúde 2013: Acesso e Uitlização dos Serviços de Saúde, Acidentes e Violências. https://biblioteca.ibge.gov.br/visualizacao/livros/liv94074.pdfBrazilian Ministry of Health. (2019). Sistema Único de Saúde (SUS): Estrutura, principios e como funciona.
http://www.saude.gov.br/sistema-unico-de-saudeGBD. (2022). Estimation of the global prevalence of dementia in 2019 and forecasted prevalence in 2050: An analysis for the Global Burden of Disease Study 2019. The Lancet Public Health, 0(0). https://doi.org/10.1016/S2468-2667(21)00249-8Melo, S. C. de, Champs, A. P. S., Goulart, R. F., Malta, D. C., & Passos, V. M. de A. (2020). Dementias in Brazil: Increasing burden in the 2000–2016 period. Estimates from the Global Burden of Disease Study 2016. Arquivos de Neuro-Psiquiatria, 78, 762–771. https://doi.org/10.1590/0004-282X20200059Oliveira, D., Mata, F. A. F. D., Mateus, E., Musyimi, C. W., Farina, N., Ferri, C. P., & Evans-Lacko, S. (2021). Experiences of stigma and discrimination among people living with dementia and family carers in Brazil: Qualitative study. Ageing & Society, 1–22. https://doi.org/10.1017/S0144686X21000660The World Bank. (2011). Growing old in an older Brazil. http://documents1.worldbank.org/curated/ru/906761468226151861/pdf/644410PUB00Gro00ID0188020BOX361537B.pdfThe World Bank. (2020). Data for Brazil, Upper middle income country. https://data.worldbank.org/?locations=BR-XT