Muvywano wa kisyaiisyo iulu wa umanyi na masuanio iulu wa kulewa nthi ya Indonesia
Nthini wa muvango wa STRiDE, nitweethiiwe na kisyaiisyo kinene nthi wa Indonesia. Twoosie uvoo kuma kwa andu 2110 akuu nthini wa Jakarta na North Sumatra. Ingi nitwakulilye makulyo mundu wa famili, munyanya kana mundu wisene nesa na mundu mukuu. Kumana na uu, twina uvoo kuma kwa andu 4,220 ala matuaa Indonesia, uvoo iulu wa umanyi na masuanio iulu wa uwau wa kulwa , ula niw'o mwingi vyu iulu wa nthi. Vaa, twinengane livoti iulu wa maundu ana.
Aingi ma andu ala twakulilye (n=3,780; 89.6%) meetikilile kana meetikila muno kana " nitwaile kwithiwa na umiisyo mbee kwa andu mena uwau wa kulwa nthini wa ndua", na itheo wa 5% kuleana na undu uu (n=194)
Mbee wa nyusu ya atumika mai na woni kana andu mena uwau wa kulwa nimatonya kutania maisha (n=2,305, 54% meitikila kana kwitikila muno). Undu ungi wa vata ni kana mbee wa andu nyusu (n=2,115;50.1%) mai na woni kana andu mena uwau wa kulwa maitonya kusangia maundu ma ndua nesa.
Thina umwe kumana na kulewa ni kana andu nimatonya kuvitha andu angi kumanyikana kwoo kwithiwa na uwau. Mbee ya kwota ya atumika maisye nimatonya kuvitha kumanyika kwoo kwa uwau (n=1,069)
Mausungio aa ma mbee meonania kana andu aingi nthini wa Indonesia ala me sambuuni yitu mena mawoni maseo iulu wa uwau wa kulwa. Vai na woni munene wa kana andu nimaile kwithiwa na umiisyo mbee kwa andu ala mena uwau wa kulwa nthini wa ndua sya Indonesia, ula ni undu wa wikwatyo.
Vata mbee, kwa maundu amwe, andu mate aingi muno indi aingi kiasi mena mawoni ma kulewa mbee ala matonya kutuma andu mavitha kumanyika kwoo kwa uwau kana andu kwithiwa na tavia sya uiiti itekuseuvya mbee mathayu ma andu mena uwau wa kulwa. Ona kau undu umwe ("ndikusuania andu mena uwau wa kulwa nimatonya kusangia ndua nesa") wionania kana masuanio amwe ma kulewa na ma uvungu nimatonya kwithiwa me na andu aingi mbee.
Kuchambua mbee kwina vata ni kana kutetheesya kwikia mausungio aa nthini wa vandu vala maile, indi kwosania uvoo kuma kwa andu iulu wa masuanio moo kwitutethya kumanya miikiio na masuanio ala matonya kwithiwa ma kulewa, na kunengane ivinda ya kuelewa nuu na niki ikundi imwe itonya kwithiwa na masuanio aa.
